香港樂壇開始興旺嘅時期係七十年代，嗰陣時有許冠傑呢位人稱「歌神」的人物出現，是他開創咗粵語歌的新局面，用輕鬆詼諧的手法把當時的香港社會現象說了出來，受到了當時香港市民的歡迎。後來到了八十年代，就有譚詠麟、張國榮還有陳百強、羅文梅豔芳等等這些歌星出現，那時可以說是香港樂壇最蓬勃的時期，也為之後的九十年代樂壇打下了基礎。到咗九十年代，四大天王開始興起，嗰時候更加可以話係達到咗顛峰，四處都有人模仿四大天王。

    然而，但是到了九十年代末期，樂壇就開始有啲衰落嘅現象，但嗰陣時還沒有那麼嚴重，到了二零零五年起就在不斷地走下坡路，呢個最令我悲哀嘅，因為啲國語歌曲佔領曬成個廣東，畢竟香港樂壇啲歌對廣東省嘅影響力超大嘅。二零零二到二零零四年呢三年係香港樂壇邁向學生市場最興旺嘅時期。嗰陣時出嘅歌相當之唔錯，特別係容祖兒經典嘅《我的驕傲》，還有Twins嘅《下一站天后》之類。

    依家啲歌曲的粗製濫造，係香港樂壇搞成依家咁嘅局面嘅原因。七十年代時候嘅歌曲是根據當時香港嘅社會嘅現狀而寫出嚟嘅，所以受到咗市民嘅喜愛，就譬如許冠傑嗰首《半斤八兩》，寫出咗打工仔搵錢嘅辛苦。八九十年代開始有咗唔同類型嘅歌曲，那時候的歌曲都是製作人嘔心瀝血創作出來的，每一首歌都可以朗朗上口，到了現在就成為了經典歌曲。但係依家嘅歌曲，基本上可以算係無病呻吟，沒有任何嘅特色同內涵可言。歌手們一直不斷咁推出新歌，但真正等人記住嘅又有幾多？

    依家香港樂壇搞到咁嘅局面，創作方面相對嚟講，依家啲創作人唔係少咗，反而多咗，最主要係依家啲創作人水準唔夠高，唔能夠創作出好嘅歌曲，所以依家啲歌俾人嘅感覺係雷同又冇過新意。更加致命係填詞水準唔高，俾啲中年人嘅感覺係「九唔搭八，根本就唔知道講乜」。 對比翻以前顧家輝、黃霑嘅曲同埋詞，隨便攞一首「滄海一聲笑」比較：

   歌曲：滄海一聲笑         

   歌手：黃霑 專輯：《笑傲江湖》主題歌

   滄海一聲笑,滔滔兩岸潮,浮沉隨浪記今朝.蒼天笑,紛紛世上潮,誰負誰勝出天知曉.江山笑,煙雨搖,濤浪淘盡紅塵俗事知多少.清風笑,竟惹寂寥,豪情還剩了一襟晚照.蒼生笑,不再寂寥,豪情仍在癡癡笑笑

       對比一下以前創作人嘅歌詞，同而家嘅金曲相比，高低如何，相信大家裡有數。一個好嘅樂壇，唔單止需要嘅係好既歌手，但更需要嘅係高素質嘅填詞人同創作人。詞曲係靈魂，歌手只係載體，冇好嘅詞曲，邊有好的樂壇？作曲出名嘅來來去去都係伍樂城，一唔係就雷頌德；作詞出名嘅有黃偉文、方傑、林夕之類。

    自從03年－04年嗰代夠有實力嘅歌手Twins、楊千嬅、容祖兒、Boy’z之類過後，香港樂壇新人實力一直唔係幾掂。實力一般嘅衛蘭、衛詩、泳兒（原名：陳家欣）。

    我仲要感謝譚詠麟，佢係香港樂壇校長，佢曾經為香港樂壇帶嚟輝煌。

    聽以前香港嘅歌，一聽就可以知道係誰邊個唱的。但是依家，那些新人所唱的歌根本就不知道是誰在唱。而反觀內地和台 灣的樂壇。歌手們都有自己的風格，內地嘅有樸樹、許巍、金海心等等。台 灣嘅就有王力宏、周傑倫、陶喆等等，他們都有自己獨特嘅風格，因為他們都有自己創作歌曲嘅能力，可以寫出適合自己唱的歌出嚟。而香港點解歌手們都冇自己嘅風格？就是因為香港嘅創作人少，而且只有少數的歌手有自己創作歌曲的能力。(我記得有創作歌曲能力嘅歌手係蔡卓妍、在香港幾乎就係得林夕同黃偉文仲有伍樂城、陳光榮等等幾個製作人包攬咗香港樂壇大部分歌手嘅歌曲製作，咁樣就好容易有相類似嘅風格，也讓歌手唱唔出自己的風格。林夕寫的詞有時候還有點意思，但黃偉文寫的詞可以說是毫無意思可言，聽過以後對部分人嚟講有會唔記得咗。咁樣嘅話，也就表示好多嘅歌手都只會照住唱，搞到連自己嘅特色都冇過。

    現在香港的歌迷都喜歡樣子長得漂亮嘅歌手，至於他唱得好唔好，根本就唔會去理會。就例如許志安，唱咗十幾年歌。他唱歌嘅實力是有的，但是就是樣子長得沒有那些新人漂亮，就給比咗落去。咁樣嘅樂壇發展仲有希望嗎？咁樣只會造成惡性循環，導致真正有實力嘅歌手只會默默無聞。像從廣州去香港嘅張敬軒，他本嚟好有才華，但係一直唔被唱片公司重視。在各大頒獎禮上他永遠只有睇嘅份，一個獎亦冇攞到，而其他啲實力唔高嘅就攞咗很多獎。依家喺香港有實力的只有陳奕迅、劉德華仲有張學友，有創作能力嘅只有林一峰、藍奕邦、側田呢幾個。