问到有意外难讲是否代表二人不设防？她没有正面回答，只再次表示男友是讲笑，再问身为教徒的她有没有婚前性行为？她即愕然及窒一窒说：「点解会问呢啲，我有自己嘅理念，不过咁私人嘅嘢唔好咁公开讲。（嘉颖讲嘅意外系咪包括突然求婚？）佢唔会咁突破，呢个都算系一个秘密，佢个人唔锺意突发性改变，例如我有时话去边度食晚饭，佢都话唔好改啦，咁烦，总之我熟悉嘅佢唔会咁突然，除非有意外。」问到如有意外，嘉颖是否一个负责任男人？Grace好冧地说：「一定，佢系一个好好嘅男朋友，如果唔系都唔会同佢拍拖，我对佢好有信任，不过佢都讲咗啦，我哋暂时想工作为主。（嘉颖心唔心急结婚？）应该唔会，我哋成日沟通，都系身边人仲心急过我哋，我哋会有准备，唔会畀意外发生，大多数唔会，九成九啦。」又透露自己当嘉颖是Mr.Right，二人是朝结婚方向发展，并谓大家已过双方家长及长辈的关卡，长辈们很锡大家。问到男友嘉颖会否心急做老窦？Grace说：「工作先，一步步嚟，结咗婚先会生BB。（会唔会为生BB而快啲结婚？）结咗婚先计划其他嘢，除非有意外，意外对个个都好难讲。」