问到今年会否相约麻雀馆太子爷男友石恒聪入鬼屋玩？阿Sa说：“睇下有冇时间。（佢好细胆？）还好啦。”记者笑指她可趁机扮惊？阿Sa笑说：“搞啲咁嘅嘢？唔好啦！（得闲要咋吓娇？） 我惊我忍唔住呕或者佢都忍唔住呕。” 她否认与男友同居，她说：“我有自己屋企，唔好八卦啦，冇人想知，私人事唔想讲太多，呢家样样都好。”对于祖儿日前爆她去杜拜工作不时与男友开视频，阿Sa坦言有睇报道说：“久唔久视频啫。（仲话你男友放纸巾入你袋？）有时我都想女仔啲。（佢都好体贴？）都几㗎。”问到9岁香港“小巨肺”谭芷昀在美国才艺真人骚《全美一叮》被淘汰，阿Sa说：“已经好劲，比赛一定有赢有输，参加得预咗有输嘅机会，尽咗力已经OK，至少好多人睇过佢演出同唱歌。”