好似有张智霖，佢昨日喺Instagram就话佢啱啱拍完套电影，仲话：「今日正式收炉，收（修）身之旅即将展开！」仲附送一张自拍相添，不过新年先嚟减肥会唔会拣错日子呀？仲有一堆年糕萝卜糕等紧你喎，但有唔少网民都话Chilam咁瘦唔使减啦。不过讲到最正都唔及梁嘉琪，佢昨日收炉之余，仲即刻飞去旅行！嘉琪喺Instagram甫咗张喺机场嘅自拍，留言话：「容许我大声的叫⋯⋯我。收。炉。喇！bye #imsohappy #年廿八飞 #咪唔驶（使）大扫除啰 #imsoclever」佢提早收炉之余，仲有得飞，又唔使大扫除，最爽系你啦！除咗佢两个之外，仲有伍咏薇都有喺Instagram甫咗张自拍，留言指佢做埋今日就收炉！