王君馨結婚
2017/6/18 11:22:44 
398 
0现年31岁的艺人王君馨（Grace）昨日同圈外男友Daniel喺美国纽约举行婚礼，圈中好姊妹钟嘉欣、李亚男、卫兰、裕美等专程飞往参加！一班好姊妹仲同君馨准备咗唔少环节令个婚礼生色不少，包括有十分钟嘅sharing，同埋加咗Rap歌祝贺新人，Grace都话佢哋Sweet！呢个「星级姊妹团」真系个个靓！佢哋仲喺婚礼上面一齐揽住王君馨，呢个场面真系好感人！而因为王君馨冇大衿姐的关系，所以钟嘉欣就兼任埋大衿姐，认真唔话得。忙咗一日嘅Grace完成人生大事，喺香港凌晨时间，她终于回番气，当收到摄影师照片，即向大家报喜讯Grace开心分享婚礼：「我昨日（6月11日）在纽约同Daniel结咗婚啦，好嘢，哈哈！非常之开心，朝早一班姐妹帮我着褂，我哋亦有斟茶畀父母，嘉欣除了maid of honor（伴娘），仲做咗我嘅大妗姐，因为我冇大衿姐。」而一班姐妹亦十分有心，特别作咗首歌以Rap歌形式，即场唱出祝贺新人，Grace话：「佢哋好sweet，准备咗十分钟嘅sharing，同埋加咗Rap歌，Rap咗好sweet嘅词畀我同我老公仔。」婚礼成个过程既温馨又感动，Grace话嘉宾好多都感动到喊，而一对新人当然既感动又开心，跟住Grace仲大呼自己已正式荣升章太，话：「好开心，我哋（与老公相识）11年11个月14日已经过咗啊，我今日系章太嚟喇，下个月11号见啦，我好幸福g。」Grace举行婚礼后，下月11将在港补摆喜酒。
无意义的评论将被删除,并扣除相应的积分.
