李嘉欣同许晋亨上年8月，就一齐咗拔萃男书院附属小学的收生简介座谈会，似乎对

    呢间名校好有兴趣。不过大美人在访问中就讲过，唔太担心许建彤（Jayden）学业，最重要都系囝囝嘅态度，其中礼貌同孝顺就最重要。另一位嘉欣，林嘉欣的大女Kayla今年都读小一啦。林嘉欣上年10月话过，为咗准备囡囡面试，向公司拎咗3个月假，总共拣咗5间心仪学校。之后佢在一次传媒访问中就透露，一家人一齐相处好重要，为免四围飞，所以冇打算要囡囡去外国留学。而陈倩扬早前带同咗大仔陈羲廷去咗7间小学面试，话系当做亲子参观活动，睇下百年老校、新派学校咁。呢位咁体贴的妈咪，仲搁置咗造人大计，话想留番多啲时间陪两个仔。单亲妈妈杨思琦就要更落力，为阿女Krystal报读唔同学校，为咗补充智识，有时会开电视俾阿女睇新闻，今年4月思琦妹就透露已经成功争取到一间国际学校学位。作为父母，为了子女教育真是费尽心思，但也希望小朋友可以在一个冇压力的环境下读书。