问到G.E.M.给予甚么评语，超莲就指对方赞好食：「因为佢今日拍MV唔食得甜嘢，本身就话食一啖，最尾问番佢食咗两旧。（佢之前话你啲曲奇似石头，啲蛋糕睇得唔食得喎？）我整嗰啲翻糖蛋糕系用嚟睇，佢又冇同我整过真系食得嗰啲蛋糕；而似石头系因为叫佢睇住个炉，但最后Overcook咗。」

    而超莲表示因为Smile With Us HK（超莲成立的慈善组织）每月都举行2次活动，每次都送礼物给老人家和孤儿，所以现在整甜品的技术已进步不少。

   超莲透露将会于动漫节进行派扇活动，而下星期六会与妇女团体合作，帮一个原本居住在100尺劏房的单亲妈妈搬屋：「因为搬屋要钱，我哋就会帮手铺地板，装冷气机咁。佢哋嘅笑容对我哋系一个肯定，咩人都会帮。（会唔会有人泼你冷水？）都有好多反对声音嘅，话我帮得几多个。当然都有支持嘅声音，我觉得做一件新事情都有佢嘅困难，慢慢做。」而超莲都好开心好多年轻人想加入，她说：「第一次活动派玫瑰花可能敏感唔肯收，到依家派曲奇都好开心，愈嚟愈多年轻人想加入我哋，反应好正面。」⼃